Search
da en
News
The best and cheapest accommodation in Kangerlussuaq, Greenland, from only 200,- dk/kr a night.
More News
Vi accepterer fortsat ikke berusede eller fulde gæster, ligesom rygning er forbudt. Hvis man er fuld eller ryger indendørs kan man ikke bo hos os.
Admin Only

Inissiami malittarisassat

Kalaallit Nunaanni unnuiffissatut periarfissanit akikinnerpaajunissarput pitsaanerpaajunissarpullu, aamma iniitivut pitsaasuunissaat ullutsinnullu naleqquttunissaat anguniagaraarput. Neriuppugut unnuisutta ajunngisaarnerannik ikioqatigiinnerannillu ingerlasinnaassasoq.

Aningaasartuutit annikitsinniarlugit allaffitta ammasarfii aalajangersimasuunngillat, taamaakkaluartoq Danmarkimiit atlantikoq qulaallugu timmisartuussisoqareernerata kingorna sulisoqartassaaq. Kisianni piffissani allani iserternissamut utaqqisinnaaneq pisariaqarsinnaavoq.

Iserterneq taamaallaat nal. 12.00 aamma nal. 20.00 akornanni pisinnaavoq, sioqqullugu isumaqatigeereernerup kingorna nal. 22.00-ip tungaanut isertertoqarsinnaalluni.

Aallarfissap ulluani qimagunnissaq kingusinnerpaamik nal. 10.00-iuvoq. Akunnikkallarneq aamma/imaluunniit nassatat paarigallarneqarneri akit allattorsimaffiani takukkit.

Iserternermi kinaassutsimut uppernarsaat assitalik takutinneqassaaq, aamma unnuinissaq iserternermi akilerneqassaaq. Unnuisut nammineerlutik oqorutilersuissapput, aallalernermilu peerlugit. Tungeqartoqartuaannassaaq, nammineq pigisaq imaluunniit atorniagaq.

Angalasunut unnuisarfik tamarmi pujortartarfiunngilaq, innermillu ikumatitseqqusaasoqanngilaq, aamma naneruutinik. Kissarsuuk qisussianik qisuttortartoq taamaallaat sulisunit ikinneqarlunilu paarineqaqqusaavoq. Pujortarnermut innermullu malittarisassavut unioqqutinneqarneqarpata ingerlatiinnaq anisitsisoqarnermik kinguneqassaaq.

Aasakkut takornariaqarnerup pileruttornerani (15.junimiit 1.septembarip tungaanut) matu silarleq nal. 22.00-imiit nal. 8.00-ip tungaanut parnaaqqasassaaq. Ukiup sinnera tamaat matu silarleq parnaaqqasuaannassaaq. Angalasunut unnuisarfiup pigisatit akisussaaffiginngilai. Taamaammat illit pillutit unnuisullu allat pillugit matu paarnaaqqassaaq.

Angalasunut unnuisarfiup tamaat isumatusaarnermik atorneqassaaq unnuisunut tamanut isersimaffigiuminartuuniassammat. Ilaatigut isumaqarpoq igaffimmeereernerup, nerisarfimmeereernerup, teqeqqumi tv.-mik isiginnaartarfimmeereernerup kingorna, allat eqqarsaatigalugit ingerlaannaq atoriikkat iluarsineqassapput. (Unnuisut 28-it tamarmik tiitorfitik, puuguttatik nerinermullu atortutik atoreerlugit akunnerit pingasut uninngatikkunikkit, taava igaffimmiittoqarnissaa nerisarfimmiittoqarnissaalu ajornassaaq.)

Immiaaqqat marluk, imaluunniit puiaasap affaanik viinnisorneq ajunngilaq, kisianni nipittuullugu oqalunneq imaluunniit aalakoorneq, imaluunniit unnuisut allat sulisullu iluaaliortinnissai inerteqqutaavoq, ingerlaannarlu anisitsinermik kinguneqassalluni.

Angalasunut unnuisarfik nal. 22.00-ip kingorna nipaarsaarfiussaaq. Tassa imaappoq innareersut eqqissillutik sininnissaat eqqarsaatigalugu sammisaqarnerit tamarmik eqqissisimasumik ingerlanneqassapput. Nerisassiorneq aammalu igaffimmi oqalunneq nipiliornerlu nal. 20.00 unissapput.

Angalasunut unnuisarfiup atortorissaarutai unnuisunut akileereersunuinnaapput. Taamaallaat immikkut isumaqatigeereernerup kingorna, aammalu aasakkut takornariaqarnerup pileruttornerata avataani ikinngutit ilaquttallu angalasunut unnuisarfimmut pulaarsinnaapput.